نهار كنت غادي نمشي للحبس على والو ههههههه

اليوم غادي نحكي ليكم واحد الواقعة وقعات ليا ونا زعما مسؤول .حيت لي فيه شي حاجة كتبقى فيه حتى يدفنوها معاه.

قرايت وتخرجت وخدمت وتزوجت وولدت ولكن لقوالب والتشايطين مبغاوش يطلقو مني.

كان عندنا واحد الصديق مرايقي عزيز عليه
فابور ولي شافها عندك خاصو منها.واحد النهار اتفقنا انا واح مسخوط الوالدين
باش نقطعو ليه هاد العادة.اوا سيادنا حيت ابليس ماكايتفراقش مع خوكم
هههه.قررت نعطي لهاداك لمرايقي شي درس .

مشيت عند العطار وشريت من عندو واحد
النبتة سميتها حبة مالك (كتشبه اللوزة) وخلطتها مع شوية ديال اللوز
والكركاع والبيستاش ...... وسيفطنا على واحد البراد ديال اتاي منعنع ورسلنا
واحد الشاوش يعطي المعلومة ديال هاد الكويس ديال اتاي لهاداك المرايقي .ما
كايناش حتى دقيقة حتى بعث حدانا وبدا كاينgر :اشنو زعما تاكلو بلا بيا
!!!!!! gلنا ليه اليوم والله حتى تخلص .gال لينا جيبي فيه عقرب نخاف نخشي
فيه يدي تقرصني ههههههgلنا ليه حنا ماكلتنا فيها السم الا كليتيها تسكن في
الطواليط هههههgال لينا ناكلها ويلا بغات تجي الموت غير تجي .اوا سيادنا جر
واحد الكرسي وجلس .هادي تنفع هادي تضر شوية وهو يطيح في واحد الحبة
المعلومة .وهو يgول لينا وجايبين اللوز محروق الله ياخد فيكم الحق.حنا
بدينا كنضحكو حيت عرفناه جابها فراسو ههههههههه.شوية بان لينا السيد تزيزن
وحبس الصريط .شوية هوا يديماري ديريكت للطواليط.اه نسيت باش نgول ليكم
راحنا سدينا الطواليط من الصباح على اساس انها خاسرة.ههههههههههه .اوا كملو
من روسكم .هوا قاصد الباركينغ والريحة تابعاه .ههههه

خمسة ايام في الكلينيك وملي خرج قدم بيا
شكاية لوكيل جلالة الملك.ومابغاش يتنازل عليها واخا الوكيل صديق ديالنا
بجوج وحطيناه في موقف لا يحسد عليه .المحاكمة دوزنا فيها ستة اشهر وخسرت
فيها زبالة ديال الفلوس وتحكمت بستة اشهر موقوفة التنفيد.

يموت الشطاح ما ينسى هزان الكتف

هو حلو بس فى كلمات كتير مفهمتش معناها
شكرا

شكرا